Бу ҳақда палата спикери, республикачи Кевин Маккарти маълум қилди.
Парламент суриштируви асосий эътиборни "ҳокимиятни суиистеъмол қилиш ва коррупция ҳолатларига" қаратади, деди Маккарти сешанба куни. Сиёсатчи журналистлар билан суҳбатда палатанинг тегишли қўмиталарига аллақачон кўрсатмалар берганини айтди. Маккарти президент фаолияти борасида "жиддий ва эътиборга лойиқ" гумонлар мавжудлигини иддао қилмоқда.
ББС таъкидлашича, республикачилар 2023 йил январида Вакиллар палатасини ўз назоратига олганидан бери демократлардан бўлган президентнинг фаолиятини текширишга уринмоқда. Хусусан, республикачилар Жо Байденнинг ўғли Хантер Байденнинг хорижий бизнес алоқаларини шубҳали деб билади. Бироқ ҳозиргача республикачилар уюштирган суриштирувлар президентнинг ножоиз хатти-ҳаракатларига далил топмаган.
Президент маъмурияти республикачиларнинг қонунбузарлик ҳақидаги иддаолари асоссиз эканлигини таъкидламоқда. "Сиёсатнинг энг жирканч кўриниши", деб таърифлаган бу ҳаракатларни Оқ уй вакили Ян Сэмс.
Суриштирув президентликка сайловолди кампанияси бошланишига тўғри келмоқда. Амалдаги президент Жо Байден ҳамда АҚШнинг собиқ президенти Доналд Трамп бу сайловолди кампаниясида иштирок этмоқчилигини аллақачон эълон қилган. Reuters агентлигига кўра, амалдаги президент импичментига уринишлар муваффақиятсиз бўлади, чунки бу ташаббус Вакиллар палатасидан ўтса ҳам, демократлар назоратидаги Сенатдан ўтолмайди.
АҚШ Конгрессининг Вакиллар палатаси мамлакат президенти Жо Байденнинг импичментига олиб келиши мумкин бўлган суриштирув ўтказиш ниятида.