Қарорлар Украинадаги уруш фонида қабул қилинган.
АҚШнинг янги ҳарбий кемалари Испанияга, қирувчи отрядлари Буюк Британияга, қуруқликдаги кучлари Руминияга, ҳаво ҳужумидан мудофаа бўлинмалари Германия ва Италияга, кенг ассортиментдаги қурол-яроғ Болтиқбўйи давлатларига боради”, деди Байден. Унинг таъкидлашича, бу Россиянинг Украинага бостириб киришидан кейин минтақа хавфсизлигини мустаҳкамлаш ва НАТО ҳудудининг "ҳар бир дюймини" ҳимоя қилиш учун зарур.
Ҳозирда Европада 100 000 га яқин АҚШ аскарлари жойлаштирилган, Россия Украинага бостириб кирганидан кейин уларнинг сони деярли 20 000 га ошди. Европага қанча қўшимча аскар юборилиши ҳозирча маълум қилинмаган.
АҚШнинг Полшадаги ҳарбий штаб-квартираси дала қўллаб-қувватлаш баталони билан бир вақтда жойлаштирилади - бу НАТОнинг шарқий қаноти деб аталадиган биринчи доимий Америка контингенти бўлади. Полша президенти Анжей Дуда Вашингтоннинг бу қарорини олқишлаб, буни Россияга яққол сигнал ва Полша хавфсизлигини мустаҳкамлашга қўшган катта ҳисса деб атади.
Россия ташқи ишлар вазири ўринбосари Сергей Рябков Вашингтон “эскалация сценарийсидан қочиш имкониятини қўлдан бой берганини” ва “100 фоиз хавфсизликни кафолатлайдиган” “компенсация чоралари” билан таҳдид қилганини айтди.
Саммит доирасида Байден чоцрцшанба куни Туркия президенти Ражаб Тоййиб Эрдўғон билан ҳам учрашди. У Эрдўғанга Швеция ва Финляндия раҳбарлари билан бу мамлакатларнинг НАТОга аъзо бўлиш йўлини тўсиб қўйиш имконини берган келишувларга эришгани учун миннатдорчилик билдирди. Вашингтон аввалроқ Туркияга босим ўтказмаганини ва бу борада унга ҳеч қандай ваъда бермаганини билдирган эди.