Полиция маълумотларига кўра, қуролланган шахс ўзига жароҳат етказиши оқибатида вафот этган. «Биз отишма сабабчисининг ўлганини тасдиқлаймиз. Полиция ҳозирда бинонинг ҳар бир хонасини текширмоқда», — деб ёзди шаҳар полиция департаменти Твиттерда.
Ҳуқуқ-тартибот идоралари маълумотларига кўра, милтиқдан ўқ отган шахс 35-40 ёшлардаги эркак бўлган.
«Биз ҳозирча отишма содир этган шахснинг аниқ шахсини аниқлаганимиз йўқ. У 35-40 ёшлардаги эркак. Воқеа жойида унинг милтиқ ва тўппончаси бўлган», — деди полиция матбуот котиби Эрик Далглиш.
Полиция томонидан отишма содир этган шахснинг исми ва эҳтимолий сабаблари ҳозирча ошкор этилмаган.
KJRH телеканалининг хабар беришича, отишма Цент-Френсиск шаҳар касалхонаси биноларидан бирида маҳаллий вақт билан тахминан 17:00 да содир бўлган. Ҳуқуқ-тартибот идоралари ходимларига отишма ҳақида қўнғироқ бўлган, уч-тўрт дақиқадан сўнг воқеа жойига полиция етиб келган.
Талсадаги отишма май ойида содир бўлган иккита отишмадан кейин содир бўлган. Тахминан бир ҳафта олдин, 24 май куни Техаснинг Увалде шаҳридаги Робб бошланғич мактабида навбатдаги отишма содир бўлиб, 19 бола ва икки ўқитувчи ҳалок бўлган эди. Яна 13 нафар бола турли оғирликдаги жароҳатлар билан шифохонада қолмоқда. Ҳужум қилган 18 ёшли маҳаллий фуқаро Сальвадор Рамос полиция томонидан ўлдирилган. Май ойи бошида Нью-Йоркнинг Буффало шаҳридаги супермаркетда отишма оқибатида 10 киши ҳалок бўлган эди.