68 ёшли сиёсатчи 2021 йилнинг март ойида коррупция айблови билан уч йиллик қамоқ жазосига ҳукм этилган, бунинг икки йили шартли қамоқ жазоси экани айтилган эди.
Саркози Франциянинг реал қамоқ жазоси берилган илк президентидир, бироқ у қамоқхонага кирмайди. Апелляция суди сиёсатчининг бир йиллик қамоқ муддатини ҳам уй қамоғига алмаштирган. Унинг ҳаракатланишини назорат қилиш учун электрон билагузукдан фойдаланилади, дея хабар қилди Le Parisien газетаси.
Ўтган ҳафта Франция молиявий прокуратураси Саркозини яна бир жиноят иши – Ливия собиқ диктатори Муаммар Қаддафий режимидан ноқонуний маблағ олганликка оид иш бўйича ҳам судлашни талаб қилиб чиққан. Собиқ президент бу борадаги барча айбловларни рад этмоқда.
France 24 канали қайдича, Николя Саркози ҳали-ҳамон Франциядаги энг машҳур сиёсатчилардан бири бўлиб қолмоқда.