27 март куни Санкт-Петербургда Тожикистон фуқароси “террор хуружини оқлаганликда” айбланиб қўлга олинди. Бу ҳақда Тергов қўмитасининг Санкт-Петербург бошқармаси хабар берди.
Astra телеграм каналининг хабар беришича, айбланувчи 26 ёшли Баҳодур Зухуровдир. Айби исботланса, у беш йилгача озодликдан маҳрум этилиши мумкин. Тергов қўмитаси тарқатаётган видеода Зухуров узр сўраб "бу бошқа такрорланмаслигини" айтган.
Тергов маълумотларига кўра, у телеграм каналнинг чатида Крокусдаги теракт акс этилган видеони бўлишган ва "терактни оқлаш белгиларини ўз ичига олган" изоҳ ёзган.
Аввалроқ Санкт-Петербургда тожикистонлик Аҳмад Файзулохонзода 5 минг рубль миқдорида жаримага тортилиб, Россиядан депортация қилинишга маҳкум этилган эди. У ИШИД Россияда терактлар уюштириш учун одам ёллайдиган телеграм гуруҳига аъзо бўлган. “Крокус Сити Холл”га ҳужум қилганлар ҳам ўша гуруҳда ёлланган", деб ёзади Петербург судлари матбуот хизматининг раҳбари Дарья Лебедева.
Россияда Крокус Сити Холлга ҳужум ортидан ксенофобия ва марказий осиёлик муҳожирларга қарши кайфият кучайди. Муҳожирларнинг айтишича, уларни полиция ёки Миллий гвардия тўхтатиб, ФСБ вакиллари билан "суҳбатлашиш учун" олиб кетишган. Бундан ташқари, полиция муҳожирлар яшайдиган ётоқхоналарга бостириб кирмоқда.
Айби исботланса, у беш йилгача озодликдан маҳрум этилиши мумкин.