Унинг сўзларига кўра, Омбудсман институти уч босқичли гуманитар ҳаракатлар режасини келишиб олди. Украина томонида 800 нафар, Россия томонида 200 кишидан иборат алмашиш учун рўйхат тақдим этилди.
Туркия Истанбул орқали ярадор ҳарбийлар ва тинч аҳоли, айниқса, болалар, аёллар ва қарияларни ташиш учун ишлатилиши мумкин бўлган гуманитар йўлак яратиш ташаббусини ҳам ўз қўлига олади. Туркия президенти Ражаб Тоййиб Эрдўғон Россия ва Украина президентлари Владимир Путин ва Владимир Зеленский билан навбатдаги учрашувларида гуманитар йўлак масаласини муҳокама қилади, деб хабар бермоқда Туркиянинг CNN телеканали.
11 январь куни Туркияда Украина ва Россия инсон ҳуқуқлари бўйича комиссарлари Дмитрий Лубинец ва Татяна Москалкованинг учрашуви бўлиб ўтди. Учрашувдан сўнг Москалкова ўз твиттерида 40 нафар россиялик ҳарбий асирни алмашиш бўйича келишувга эришилганини ёзди. 14 январь куни Reuters украиналик ҳарбийларга таяниб, айирбошлаш Россия томони ташаббуси билан бекор қилингани ҳақида хабар берди.
Туркия НАТО аъзоси ва Украинага қурол етказиб беради. Шу билан бирга, у Украина ва Россия ўртасида асосий воситачи бўлиб, урушаётган мамлакатлар ўртасида музокаралар олиб бориш учун платформани таъминлайди ва кўплаб тартибга солиш чораларида - масалан, дон битимида иштирок этади.