Имзоланиш Украина президенти Владимир Зеленский ва Туркия президенти Ражаб Тоййиб Эрдўғаннинг Лвов шаҳрида бўлиб ўтган музокаралари доирасида бўлиб ўтди. Бу ҳақда Украина президенти матбуот хизмати хабар берди.
"Туркия бизнинг стратегик иттифоқдошимиз. Биз туркиялик ҳамкорларимизга Россия томонидан вайрон қилинган инфратузилмани тиклашда ҳамкорлик қилишга тайёр эканликлари учун миннатдормиз. Турк бизнеси йўллар ва кўприклар, хусусан, Запороже ва Кременчуг кўприклари қурилишида катта тажрибага эга ва ўзини ишончли ҳамкор сифатида кўрсатди. Биз тез орада қўшма реставрация бўйича аниқ амалий натижаларга эришамиз, деб умид қиламиз”, — деди Александр Кубраков.
Биринчи лойиҳа сифатида Киев вилоятининг Романовка қишлоғидаги Буча ва Ирпенни Киев билан боғловчи кўприкни қайта тиклаш кўриб чиқилмоқда.
Яқин келажакда реставрация масалалари бўйича Украина-Туркия қўшма ишчи гуруҳи тузилади, унинг доирасида Туркия сармоясини аниқ лойиҳаларга жалб қилиш механизмлари ишлаб чиқилади, дейилади хабарда.
Зеленскийнинг айтишича, Туркия президентининг Украинага ташрифи шундай кучли давлат томонидан қўллаб-қувватланганининг кучли сигналидир. Унинг сўзларига кўра, учрашувда Эрдўған билан ғалла ташаббусини яхшилаш имкониятлари, Запороже АЭС атрофидаги вазият, Россия томонидан “ядровий шантаж”, “Россиянинг дон ўғирлаши”, шунингдек, мудофаа соҳасидаги ҳамкорлик масалалари муҳокама қилинган.
Зеленский ва Эрдўған ўртасидаги музокаралар Лвовдаги Потокки саройида бўлиб ўтди. Икки томонлама музокаралар ортидан Украина ва Туркия президентлари БМТ Бош котиби Антониу Гутерриш билан учрашди. Бу учрашув 40 дақиқа давом этди. Томонлар озиқ-овқат келишуви, Запороже атом электр станцияси атрофидаги вазият ва ҳарбий ҳамкорликни муҳокама қилди.