France-24 мәліметінше, жексенбі, 3 наурызда Порт-о-Пренстегі түрмеге қылмыстық топ шабуыл жасап, соның салдарынан "мыңдаған тұтқын" қамаудан шыққан.
Үкімет жариялаған комендант сағаты тәртібі Порт-о-Пренс қаласы орналасқан Батыс департаментте жергілікті уақытпен сағат 18.00-ден таңғы сағат 5.00 аралығында сәрсенбі, 6 наурызға дейін күшінде болады. Билік арнайы режим жағдайға байланысты созылуы мүмкін деп ескертті.
Порт-о-Пренстегі түрмеге қарулы шабуыл ел астанасында зорлық-зомбылық әрекеті көбейген тұста жасалды деп хабарлады AFP ақпарат агенттігі. Порт-о-Пренстің басым бөлігін бақылауда ұстайтын қарулы топтар бейсенбіден бері ойран салып, бейберекет жағдай туғызды.
Өткен жексенбіге қараған түні шабуыл жасаған қарулы адамдар түрме әкімшілігін басып алып, тұтқындар түрмеден қашып жатқанда болған қақтығыстан кемі 10 адам қаза тапқан.
Ресми ақпаратқа сәйкес, осы түрмеде қамауда отырған 3800-ге жуық тұтқыннан, шабуылдан кейін 100 шақты адам ғана қалған.