Американинг тармоқ ускуналари ва дастурий таъминот ишлаб чиқарувчиси Cisco Systems январь ойида Россиядаги 1,86 миллиард рубль ($ 13,5 миллион) миқдоридаги захираларини мамлакатда маҳсулотларни сотиш тўхтатилганлиги сабабли "йўқ қилди". Бу ҳақда россиялик Cisco юридик шахси молиявий ҳисоботига таяниб, «ТАСС» хабар берди.
"[Инвентаризация] заҳиралари 2023 йил январь ойида жисмонан йўқ қилинди, шу сабабли 2022 йил 31 декабрь ҳолатига кўра, захиралар қийматининг тўлиқ миқдорида - 1,864 миллиард рубль миқдорида амортизация захираси ҳисоблаб чиқилган", дейилади ҳужжатларда.
Аниқлик киритилишича, Нидерландия тузилмаси – Cisco Systems International Интернатионал B.V. билан келишув асосида сотиб олинган эксплуатацион эҳтиёт қисмлар, шунингдек, IT-ускуналари йўқ қилинган. Бундан ташқари, Ciscoнинг Россия бўлинмасининг 1 миллион рубллик мулки, жумладан, транспорт воситалари, офис мебеллари, маиший техника ва намойиш ускуналари йўқ қилинди.
Ҳисобот матнига кўра, Россияда сотувлар тўхтатилгани, шунингдек, реэкспортнинг мумкин эмаслиги сабабли 2022 йил августида бекор қилиш қарори қабул қилинган. 2022 йил июль-август ойларида ҳам меҳнат шартномалари бекор қилинди, ходимлар 190,6 миллион рубль миқдорида тўлов олдилар.
Cisco Systems Украинада махсус операция бошланганидан кейин 2022 йил март ойида Россиядаги барча сотувлар тўхтатилганини эълон қилди ва июнь ойида компаниянинг Россия ва Беларус бозорларидан бутунлай чиқиб кетиш нияти ҳақида маълум бўлди. Шу билан бирга, компания ҳар икки давлатдан якуний тарк этгунга қадар ходимларни молиявий қўллаб-қувватлашга ваъда берди.