Агентлик Москвани Украинага қарши энергетик террор ва Европа Иттифоқига энергетика босимини оширганликда айблади.
Энергетика вазирлигининг эслатишича, Киев ҳатто Запороже атом электр станцияси тўхтатилганда ҳам Европа Иттифоқи олдидаги мажбуриятларини бажарган, бироқ душанба куни энергетика объектларининг оммавий ўққа тутилиши электр энергияси экспортини тўхтатишга мажбур бўлган.
Душанба куни эрталаб Украина шаҳарлари йирик ракета ҳужумларига учради. Мамлакат пойтахти Киев, шунингдек, Днепр, Харков, Житомир, Николаев, Кривой Рог ва Ғарбий Украинанинг бир қатор шаҳарларига ҳужумлар содир этилгани хабар қилинмоқда. Ўлганлар ва яраланганлар бор. Кун давомида зарбалар тўлқинлар шаклида келган. Бу Россиянинг Украинага ҳужуми бошланган 24 февралдан бери энг йирик ҳужум бўлди.
Украина президенти Владимир Зеленский мамлакатнинг бутун ҳудудига ҳужум қилингани, фуқаролик объектлари, биринчи навбатда, энергетика объектлари унинг асосий нишонига айланганини айтди.
Россия президенти Владимир Путин Хавфсизлик кенгаши йиғилишида Украинани Россия ҳудудида терактлар тайёрлаш ва амалга оширишда, хусусан, Қрим кўпригини портлатишда айблади ва ракета зарбасини жавоб зарбаси деб атади. Хавфсизлик кенгашида қабул қилинган қарорлар ҳақида хабар берилмаган.