Беларусда суд "Настоящее время" нашрини экстремистик контент тарқатувчи манба деб эълон қилди. Бундай қарор 5 январь куни Витебскнинг Железнодорожний туман суди томонидан қабул қилинган, деб хабар қилди телеканалнинг ўзи.
Экстремистик деб "Настоящее Время", "Настоящее Время. Азия", "Настоящее Время. Док", "Настоящее Время. Беларусь", "Настоящее Время. Сюжеты", "Настоящее Время. Балтия" лойиҳалари топилган.
"Настоящее время" — Озод Европа/Озодлик Радиоси (RFE/RL) ҳамда "Америка Овози" ҳамкорлигида ташкил этилган ва АҚШнинг Глобал Медиа Агентлиги (USAGM) орқали АҚШ Конгресси грантлари ҳисобидан молиялаштириладиган телеканалдир.
Унинг маслаги демократик қадриятлар ва институтларни, шунингдек, инсон ҳуқуқларини тарғиб этишдир. Телеканал Россия, Украина, Марказий Осиё ва Шарқий Европа мамлакатлари, шунингдек, бошқа минтақаларда 24 соат давомида рус тилида кўрсатувлар олиб боради.
"Настоящее время" — Озод Европа/Озодлик Радиоси (RFE/RL) ҳамда "Америка Овози" ҳамкорлигида ташкил этилган ва АҚШнинг Глобал Медиа Агентлиги (USAGM) орқали АҚШ Конгресси грантлари ҳисобидан молиялаштириладиган телеканалдир.