Осиповичидаги лагерь майдони 24 минг квадрат метрни ташкил қилади ва 8 минг ўринга мўлжалланган. Нашр суҳбатдошининг иддао қилишича, қурувчиларга 27 июнь куни тушликка қадар лагерни ўрнатишни якунлаш вазифаси берилган.
“Вагнер” ёлланган аскарларнинг қариндошлари ҳам нашрга ҳарбийларнинг Беларусга юборилишини тасдиқлашди.
“Вагнер” ХҲК раҳбари Евгений Пригожин ўз бўлинмалари жангчилари билан биргаликда 24 июнга ўтар кечаси Ростов-Дон ва Воронеждаги ҳарбий объектларнинг бир қисмини эгаллаб олди. Шаҳар кўчаларида танклар ва бронетранспортёрлар ҳаракатланган, гувоҳлар томонидан чоп этилган видеоларда портлаш ва отишма овозлари эшитилган.
24-июнь куни кечқурун “Вагнер” жангчилари Ростовни тарк этгани ҳақида видеолар пайдо бўла бошлади.
Александр Лукашенконинг матбуот хизмати 24 июнь куни “Вагнер” асосчиси Лукашенко билан музокаралардан сўнг карвонни тўхтатишга рози бўлганини маълум қилди. Пригожиннинг ўзи музокаралар ҳақида гапирмади. Лукашенконинг шахсан ўзи ҳам ХҲК асосчиси билан суҳбатга изоҳ бермади.