Ҳуқуқ ҳимоячиси Татяна Котлярнинг "7х7" нашрига айтишича, бу каби ҳолат беш маротаба қайд этилган.
Исми ошкор қилинмаган Тожикистон фуқаросининг "7х7"га айтишича, у фуқароликка ҳужжат топшираётганда ҳарбий хизматни ўташ учун шартнома тузилганлиги тўғрисидаги ҳужжатни олишга ҳарбий рўйхатга олиш ва комиссарликка юборилган. Унинг сўзларига кўра, Тожикистон фуқароси беш нафар вояга етмаган фарзанди борлиги сабаб қамаққа олинишдан сақланиб қолган. Ундан фуқаролик учун гувоҳномасисиз ҳужжатлар қабул қилинмаган.
Нашр яна бир нечта шунга ўхшаш воқеалар, жумладан, Украинанинг Харков вилоятидан келган қочқин ҳақида ҳикоя қилади. Айтилишича, у Калуга вилоятидан вақтинчалик бошпана олган ва Россия фуқаролигини олиш учун ариза берган. Бироқ, Обнинскдаги Ички ишлар вазирлигида ундан шартнома тузиш тўғрисида ҳарбий рўйхатга олиш идорасидан маълумотнома сўралган. Натижада у фуқароликка ариза беришдан бош тортган.
Шу билан бирга, "7х7" суҳбатдошларидан бирининг сўзларига кўра, аёлларнинг фуқаролик учун ҳужжатлари одатдаги тартибда қабул қилинмоқда.
2023 йил август ойида бир қатор вилоятларда, жумладан, Санкт-Петербургда ҳам рейдлар ўтказилди, улар давомида нафақат муддати ўтган ёки ҳужжатсиз муҳожирлар, балки яқинда Россия фуқаролигини олган ва ҳарбий рўйхатда бўлмаган муҳожирлар ҳам қидирилди. Улар қўлга олиниб, ҳарбий комиссияга олиб кетилди.