Тожикистон шимолида Қалъаи Дўст қишлоғи аҳолиси ўз кучи билан шифохона қурмоқда. Ташаббусни Россияда ишлаётган ҳамқишлоқлар ва маҳаллий тадбиркорлар молиялаштирмоқда.
16 палатадан иборат шифохона икки қаватли бўлиши лойҳалаштирилган: биринчи қаватда туғруқхона, иккинчи қаватда 12 ёшгача болалар бўлими фаолият юритади.
Ҳозирди икки минг одам яшайдиган бу қишлоқда ҳатто амбулатория ҳам йўқ. Маҳаллий аёллар туғиш учун қўшни қишлоққа борадилар.
Маҳаллий тадбиркорлар ҳамда меҳнат муҳожирлари қурилиш учун зарур бўлган маблағнинг ярмини, таҳминан 740 минг долларни йиғиб бўлди. Маҳаллий аҳоли шифохона қурилгач уни давлат ўз балансига олишидан ва шифокорлар билан таъминлашидан умидвор бўлмоқда.
"Қишлоқ ҳисобига тўрт миллион сомони тушган. Биз бу шифохонани президент Эмомали Раҳмон туғилган кунигача қуриб битирмоқчимиз , – дейди “Қалъаи дўст” қишлоғида яшовчи Илҳом Ҳожибоев.
Шифохона учун мактабга туташ жойдан 30 сўтих ер ажратилган.
Тожикистон шимолида қишлоқ аҳолиси ўз кучи билан шифохона қурмоқда (видео)
Ташаббусни Россияда ишлаётган ҳамқишлоқлар ва маҳаллий тадбиркорлар молиялаштирмоқда.