Ссылки доступа

Дар Украина тамоми дороиҳои Януковичро мусодира карданд


Виктор Янукович (2010 год)

Додгоҳи олии мубориза бо фасоди Украина даъвои Вазорати адлияи ин кишварро қонеъ ва дороиҳо, амволи манқул, ғайриманқулу пулҳои президенти пешин ва фирорӣ Виктор Януковичро ба фоидаи давлат мусодира кард.

Тибқи иттилои додгоҳ, қароргоҳи собиқи Янукович Межихиря дар наздикии Киев, маҷмааи меҳмонхона ва тарабхона дар Сухолучйе, манзил дар соҳили Оболонская дар Киев, маблағҳои суратҳисобҳо (беш аз 1 миллион доллар), саҳмияҳо дар корхонаҳо мусодира гаштаанд.

Виктор Янукович, ки солҳои 2010-2014 президенти Украина буд, моҳи феврали соли 2014 дар авҷи эътирозҳои хиёбонӣ аз Киев фирор кард ва баъдан бо қарори Рада ё порлумон, аз қудрат барканор шуд. Тамоми ин солҳо ӯ дар Русия зиндагӣ мекунад ва мегӯяд, ки барканориаш ғайриқонунӣ буд.

Ҳукми додгоҳи Киев рӯзи 24-уми январи имсол содир шуд. Дар шарҳи қарори додгоҳ гуфта шуд, амалҳои Янукович боис ба "ғасби Қрим аз ҷониби Русия, шурӯи ҷанг дар Донбасс ва хисороти зиёд барои Украина шуд".

XS
SM
MD
LG