ҲАМАС Ғазо секторида ўт очишни тўхтатиш ва гаровга олинган исроилликларни озод қилиш бўйича Байден режасига рози бўлмаса, Қатар ҳаракат етакчиларини мамлакатдан чиқариб юбориши мумкин.
Миср ва Қатар ҲАМАСга АҚШ кўрсатмасига биноан босим қилмоқда, деб ёзмоқда The Wall Street Journal ўз манбаларига таяниб. ҲАМАС раҳбарларига шунингдек ҳибсга олиш ва санкциялар, жумладан, активларини музлатиш таҳдидига учраган.
Газетага кўра, Вашингтоннинг босими тескари таъсир кўрсатди. ҲАМАС етакчилари ўз шартларига тўғри келмайдиган келишувга рози бўлмасликларини айтди. Фаластин воизи Исмоил Ҳаниянинг айтишича, АҚШ президенти Жо Байденнинг режаси ҲАМАС учун мақбул эмас, чунки у урушнинг тугашини кафолатламайди.
АҚШ президенти Жо Байден 31 май куни Ғазо секторида ўт очишни тўхтатиш ва гаровга олинган исроилликларни озод қилиш бўйича янги режани эълон қилди. Режа деэскалациянинг уч босқичи, асосан, доимий сулҳ ва Исроилнинг Фаластин ҳудудидан чиқиб кетишини ўз ичига олади.
Қатор давлатлар ва халқаро ташкилотлар Исроил ва ҲАМАСни "Байден режасига" рози бўлишга ва муроса қилишга чақирган.
7 октябр куни эрталаб ҲАМАСнинг ҳарбий қаноти - «Иззаддин ал-Қассам бригадалари» Исроилга қарши «Ал-Ақсо тўфони» операцияси бошланганини эълон қилди. Ғазо секторидан Исроил томон минглаб ракеталар отилди, қуролли гуруҳлар Исроил аҳоли пунктларига кирди.
ҲАМАСнинг билдиришича, операция босиб олинган Шарқий Қуддусдаги Ал-Ақсо масжидига бостириб кириш ва исроиллик муҳожирларнинг фаластинликларга нисбатан зўравонлиги кучайиб бораётганига жавобан амалга оширилган. Бунга жавобан Исроил армияси Ғазо секторида ҲАМАСга қарши ўнлаб қирувчи самолётлардан фойдаланган ҳолда «Темир қиличлар» операцияси бошланганини эълон қилди.
Исроил-Фаластин можароси авж олгандан бери 37 мингдан ортиқ фаластинлик ҳалок бўлди. Исроилда қурбонлар сони 1400 дан ошади. Ғазонинг 2,3 миллион аҳолиси Исроилнинг ҳаводан оммавий бомбардимон қилиши ва эксклавнинг тўлиқ блокадаси туфайли озиқ-овқат, сув ва дори-дармонлар танқислигидан азият чекмоқда.
Миср ва Қатар ҲАМАСга АҚШ кўрсатмасига биноан босим ўтказмоқда.