Ссылки доступа

Туркия полицияси Истанбулдаги терактда гумонланаётган шахс қўлга олинганини билдирди


Туркияда Истанбул марказидаги Истиқлол кўчасида содир этилган терактда гумонланаётган шахс қўлга олинди. Бу ҳақда Туркия ички ишлар вазири Сулаймон Сўйлу TRT Haber телеканалида қилган чиқиши чоғида билдирди.

Вазирнинг айтишича, “бомбани жойлаштирган шахс қўлга олинган”. Сулаймон Сўйлуга кўра, қўлга олинган шахс Анқара террорчи ташкилот сифатида эътироф этадиган Курдистон ишчи партиясига мансубдир.

“Аввалроқ 21 киши қўлга олинган эди. Бомбани жойлаштириб кетган шахс ҳибс қилинди. Яқин орада бизга бу қайғу-азобни келтирганларга биз бир неча баробар кўпроқ азоб берамиз”,-деб иқтибос келтирди TRT Haber телеканали Сулаймон Сўйлу сўзларидан.

Ички ишлар вазири яраланган 81 кишидан 50 нафари биринчи тиббий ёрдам кўрсатилганидан сўнг уйларига жўнатилгани, 5 киши реанимацияда экани, 2 кишининг аҳволи ўта оғирлигини таъкидлади.

Туркия вице-президенти Фуат Ўктай Anadolu агентлигига берган интервьюсида портловчи мосламани террорчи аёл ҳаракатга келтирганини айтди. Anadolu хабарида террорчи аёл тўғрисида бошқа маълумот берилган эмас.

XS
SM
MD
LG