Зеленский 22 июнь куни эрталаб видеомурожаатида айтганидек, Украина разведкаси ва Хавфсизлик хизмати унга терактга тайёргарлик кўриш эҳтимоли ҳақида хабар берган. “Улар бунинг учун ҳамма нарсани тайёрлаб қўйган”, деди Зеленский Россия ҳарбийларига ишора қилиб.
Икки кун аввал Украина Бош разведка бошқармаси бошлиғи Кирилл Буданов россиялик ҳарбийлар станциядаги совутгични қўшимча равишда миналашганини айтган эди.
Зеленский мумкин бўлган терактдан мақсад нима бўлиши ҳақида маълумот бермади.
Кремль матбуот котиби Дмитрий Песков Зеленскийнинг баёнотлари “яна ёлғон” эканини айтди.
Киев ва Москва аввалроқ бир-бирини Запорижя атом электр станциясини ўққа тутганликда ва станцияда портлаш тайёрлаганликда айблаган эди.
Россия расмийлари ўтган йилнинг кузида Украина гўёки Россияни айблаш учун бомба тайёрлаётганини даъво қилган эди. Ўшанда ҳеч қандай далил тақдим этилмаган ва Москва томонидан берилган бир қатор баёнотлар ҳақиқатда МАГАТЭ томонидан рад этилган.
Украина ва Ғарб давлатлари ҳам Россия ҳукуматини уруш пайтида ядро қуролидан фойдаланиш эҳтимоли билан боғлиқ риторикани қамчилаганликда айбламоқда.