Қазір Мамай "полицейді балағаттады, несие амнистиясы туралы жалған ақпарат таратты және рұқсат етілмеген митингті ұйымдастырды" деген үш бап бойынша айыпталып жатыр. Саясаткердің әйелі Инга Иманбай оған қосымша айыптар тағылуы мүмкін екенін айтады.
Мамай – оппозициялық саясаткер. Ол биліктегі шенеуніктер, Назарбаевтың жанындағы адамдар және Алматы әкімі болған Бауыржан Байбек жайлы зерттеу материал жасаған.
Былтыр Қаңтар оқиғасынан кейін Мамай бейбіт митинг ұйымдастыру тәртібін бұзды деген айыппен ұсталған. Кейін оған Алматыда жаппай тәртіпсіздік ұйымдастырды деген айыптар тағылды.
Жанболат Мамай былтыр 2 қарашада тергеу изоляторынан үйқамаққа босап шықты.
