Түркмөнстандын Түркмөнбашы шаарында президенттин уулу, вице-премьер Сердар Бердымухамедовдун сапарынын алдында "ишеничсиз" жарандар кармалып, алар менен тарбиялык иштер жүргүзүлүүдө. Бул тууралуу "Азаттыктын" түркмөн кызматы өз булактарына шилтеме кылып кабарлады.
"Талибан" кыймылынын жоочулары Кабулдагы митингди чагылдырып жаткан журналисттерге кол салышты.
Өзбекстандын мурдагы муфтийи Усмонхон Алимов үч ай мурда каза болгонуна карабастан, 2021-жылдагы "дүйнөдөгү эң таасирдүү 500 мусулмандын тизмесине" киргизилди.
Казакстан парламентинин төмөнкү палатасында (Мажилис) "Сот системасы жана судьялардын макамы тууралуу" конституциялык мыйзамга өзгөртүүлөрдү киргизүү долбоору каралууда.
Алматыда Абай атындагы Мамлекеттик опера жана балет театрынын жетекчиси Таир Каратаевге 670 910 теңге (1500 доллар) өлчөмүндө айып пул салынды.
Кыргызстандын нефтетрейдерлер ассоциациясы күйүүчү-майлоочу май рыногундагы олку-солку абалга байланыштуу "Азаттыкка" түшүндүрмө берип, бензин менен дизелдин баасы кымбатташы мүмкүн деген жоромолун бөлүштү.
Тажикстандын Ооганстан менен чектешкен Шамсиддин Шохин районунда Орусиянын 201-аскердик базасынын жоокери изделүүдө. Бул тууралуу "Азаттыктын" тажик кызматы ("Озоди" радиосу) өз булактарына шилтеме кылып кабарлады.
Чөлкөмдөгү ЖМКлар бул материалдарды логотибин сактоо менен бекер колдоно алышат. Директ топтомунан да видеолорду пайдалануу мүмкүнчүлүгү берилүүдө.
Кыргызстанда 600 мектеп жетишпейт. Мектеп жетишсиздиги өзгөчө Бишкектин четиндеги жаңы конуштарда байкалат. Кээ бир мектептер үч сменде иштеп, айрым класстарда 50гө чейин бала окуп жатат. Адистер мындай жагдай балдардын укугун бузуп, билим сапатына терс таасир тийгизээрин белгилешет.
Тажикстанда күнүнө ондогон киши "Озоди" радиосуна кайрылып, электр энергиясы өчүрүлүп жатканына даттанууда. Бийлик "лимит" киргизилгенин четке кагып, жарыктын үзгүлтүккө учурашын ремонт иштери менен түшүндүрүүдө.
21-октябрда Казакстандын президенти Касым-Жомарт Токаев Казакстан элдеринин ассамблеясынын жыйыны учурунда "мыйзамсыз митингге чыккандар мыйзам чегинде жоопко тартылат" деп айтты.
Өзбекстандын айрым облустарында мектеп мугалимдери бүтүрүүчүлөрдүн ишке орношкону тууралуу документтерди топтоого милдеттендирилди.
Загрузить еще
No media source currently available
