Сербия үкіметінің дүйсенбі күні таратқан мәлімдемесінде шешім Сигалдың соңғы екі сапарынан кейін қабылданған. Ол Сербияға барған сапары кезінде серб үкіметінің қызметін жоғары бағалап, өзінің серб азаматы ретінде сезінетінін айтқан.
Сигал серб полицейлеріне арнап, Белградтан айкидо мектебін ашу жөнінде ұсыныс білдірген.
Батыс ақпарат агенттіктерінің мәліметінше, Сигалдың Сербияға сапарын ресейшіл серб ұйымы қаржыландырған.
Батыс пен Мәскеудің көзқарасы қайшы болғанына қарамастан, Стивен Сигал — Ресей президенті Владимир Путинді қолдайтын батыстық жұлдыздардың қатарында.
Сербия Еуропалық Одаққа кіруге ұмтылады. Алайда оларға ресейшіл ұлтшылдардың кедергілерінен өтуге тура келеді.