Оның сөзінше, сепаратистер бақылайтын аумақта үш бекініс бар. Оның екеуі өте күшті ресейлік әскер дейді. "Ол жерден бұрын-соңды соншалықты көп сарбаз көрмеппін…бұл Ресейдің Украинаға қарсы агрессиясы", – деп мәлімдеді Савченко Донбастағы сапарынан кейін өткізген баспасөз-мәслихатында.
Савченконың сөзінше, "украиналық тұтқындарды босатудың үш жолы бар": біріншісі – мемлекет басшысы деңгейінде, екіншісі – заң шығару органдары деңгейінде, үшіншісі – күрескерлер арасындағы "қатты соғыстан кейін". "Мен президент деңгейінде жұмыс істей алмаймын, бірақ халық депутаты ретінде қалған екі жолмен жұмыс істеуге дайынмын", – деп мәлімдеді Савченко.
Надежда Савченко Донбаста 6 маусымнан бері болған. Ол өзінің әріптесі Дмитрий Ярошпен бірге Авдеевка мен Широкинодағы украиналық әскери қызметкерлермен кездесіп қайтқан.