Стамәлиеваның айтуынша, қырғыз премьер-министрі көрші елдердің бірлескен форумын енді Қырғызстанда өткізу туралы тапсырма берді, жиын жақын күндері ұйымдастырылады, оның нақты уақыты әлі белгіленген жоқ.
Еске салайық, 1 қазанда қырғыз үкімет басшысының орынбасары Мұхамметқали Абулғазиев бастаған қырғыз делегация өзбектердің шақыртуымен Әндіжан қаласында қырғыз-өзбек әріптестігін дамыту жиынына қатысқан еді.
Хабарларға қарағанда, осы сапар аясында қырғыз делегациясы жергілікті орта мектепті, Әндіжан мемлекеттік университетін, Әндіжан достық үйін аралап, осындағы қырғыз диаспорасымен кездесті.
Кездесу нәтижесінде шекаралас көрші елдердің үш облысы - Ош, Баткен, Жалал Абад және Әндіжан, Ферғана, Наманган арасында өзара тиімді әріптестік туралы меморандумға қол қойылды. Бұған қоса, аталған облыс басшылығы шекаралас өңірлердегі тұрғындардың мәселелерін шешу үшін ай сайын кездесіп тұратын болды.