Кездесу барысында 18 қазанда Тәшкентте өтетін ИЫҰ-ға мүше елдердің сыртқы істер министрлерінің 43-сессиясы барысын талқылаған. Тараптар күн тәртібіндегі мәселелерді тағы бір пысықтаған.
ИЫҰ-ға мүше елдердің сыртқы істер министрлерінің кеңесіне 26 мүше елдің өкілі келеді. Күн тәртібіне сәйкес, кеңестің ашылуы салтанатында Өзбекстан президенті міндетін атқарушы Шавкат Мирзиеев сөз сөйлемек.
43-сессия қорытындысында арнайы құжат қабылданып, саяси, экономикалық және мәдени-гуманитарлық мәселелер бойынша Тәшкент декларациясы бекітілуге тиіс.