Токаев: Украинадагы жаңжал “тоңдуруп” калышы мүмкүн

Украинадагы чатак “тоңдурулган” абалга өтүшү мүмкүндүгүн Казакстандын парламентинин жогорку палатасынынтөрагасы Касым-Жомарт Токаев Астана саммити жана Хельсинки актысынын мааракесине арналган “ЕККУнун жетишкендиктери жана кооптонуулары” аталышындагы конференцияда билдирди.

Токаевдин айтымында, мурдакы советтик өлкөлөрдөгү чыр-чатактардын айрымдары алгач “тоңдурулуп”, кийин уланып кетүүдө. Андыктан, Украинадагы кырдаал дагы чечилбеген бойдон калышы ыктымал.

Украинанын чыгышында согуш башталгандан бери 8 миң киши набыт болду.

Батыш Орусиянын жикчилдерге колдоо көрсөтүп жаткандыгын айтып келет.

Москва айыптоолорду четке кагып, Донецк жана Луганскдагы топторго гуманитардык гана жардам берип келе жатканын билдирет.

​
XS
SM
MD
LG