Ссылки доступа

Дар даргириҳои пулис ва диндорон дар Боку шаш нафар кушта шудаанд (Видео)


ВКД Озарбойҷон хабар медиҳад, ки дар даргириҳои пулис бо диндорон дар шаҳраки Нардарани Боку 6 нафар кушта шуданд, ки ду нафари онҳо маъмурони пулис мебошанд.

Хабар дода мешавад, ки ин даргирӣ миёни нерӯҳои пулис ва диндорон дар масҷид бо истифода аз автоматҳо ва норинҷакҳо сурат гирифтааст.

Ҳоло ниҳодҳои интизомии Озарбойҷон роҳҳои вурудӣ ба шаҳракро бастаанд.

Бемористони шаҳрии Сабучинск, ки ба он ҷо маҷрӯҳони ин даргирӣ интиқол дода шудаанд, зери ҳимояти шадиди пулис қарор дода шудааст.

Ҳамаи ҷузъиёти ин ҳодиса дар силсилагузоришҳои видеоии бахши озарбойҷонии RFE/RL.

XS
SM
MD
LG