Түркиянын өкмөт башчысы Ахмет Давутоглунун айтымында, Анкара менен Баку Транс-Анадолу деп аталган куурдун курулушун тездетүү тууралуу макулдашты.
Курулушту 2018-жылы бүткөрүү максат кылынган. Транс-Анадолу долбоорун Евробиримдик колдогон. Анын алкагында Европанын Орусиянын көгүлтүр отунан болгон көз карандылыгын азайтуу пландалууда.
Долбоордун баасы 10 миллиард доллар деп эсептелинген. Куур азери газын Түркияга, андан ары Европага өткөрөт.