Эки журналисттин өлүмүнө катышы бар деген шек менен Орусияда камакта отурган украиналык учкуч Надежда Савченко ачкачылык кармоону улантууда. Сот 17-декарда анын камактагы мөөнөтүн 2016-жылдын 16-апрелине чейин узартуу чечимин чыгарган эле.
Соттолуучунун күнөөсүз экенин далилдөө максатында Украина өкмөтү сунуштаган документтер отурумда каралган жок. Буга нааразы болгон Савченко ачкачылык жарыялады.
Учкуч 2014-жылдын июль айында кармалган. Андан бери эки жолу ачкачылык кармаган. Украин бийлиги Савченко күнөөсүз экенин айтып, аны чек арадан орусиячыл жикчилдер уурдап кеткенин айтып келет.