Премьер-минстрликке Сооронбай Жээнбековду Жогорку Кеңеш депутаттары бир добуштан шайлады. Депутаттар алгач өкмөттүн программасын угуп, суроолорго жооп алган соң, ачык түрдө электрондук добуш беришти.
Өкмөттүн программасына, курамына жана түзүмүнө депутаттар өз-өзүнчө добуш берди. Өкмөттүн программасына гана эки депутат каршы болду. Жыйынга 115 депутат катышкан.
Өкмөттүн түзүмү дээрлик өзгөргөн жок. Бирок курамында айрым жаңылануулар бар. Бул арада агасы премьер-министрликке шайлангандыгы үчүн Асылбек Жээнбеков төрагалык кызматтан кетти.
Спикердин креслосун ээлей турган болжолдуу талапкерлер бар. Парламентте баарынан көп үч депутаттын-“Кыргызстан” партиясынын лидери Канат Исаев, “Өнүгүү-Прогресс” партиясынын башчысы Бакыт Төрөбаевдин жана көпчүлүк коалициясынын жетекчиси Чыныбай Турсунбековдун аты аталууда