Кармалган Махмадали Ахмадов Самара облусундагы алты адамды өлтүрүүгө жана кичинекей кызды оор жарадар кылууга катыштыгы бар деп шектелүүдө.
Бир күн мурун Тажикстандын ИИМ кызматкерлери издөөдөгү жаран республикадан чыгып кетүүгө камынып жаткандыгын аныкташкан.
Буга чейин Андрей Гошт менен анын 5 үй-бүлө мүчөсү 24-апрелге караган түнү Самара облусунун Сызрань районунун Ивашевка айылында өлтүрүлгөндүгү кабарланган. Бийликтин ырасташынча, кол салгандар подполковник Гошт менен анын жакындарын, анын ичинде карыган ата-энесин балка менен чаап өлтүргөн.
30-апрелде Орусиянын тергөө комитети массалык адам өлтүрүүгө шектелген үч адамды кармагандыгын, ал эми төртүнчүсү Тажикстанга качып кеткендигин маалымдаган.