"Мо бар инем, ки онҳо дар танҳоӣ наметавонанд барои ҳукумати Афғонистон хатари воқеӣ бошанд. Аммо чун ҳоло тамосҳои "Ал-Қоида" бо Толибон тақвият меёбад, гуфтан мумкин аст, ки он метавонад барои Толибон мисли як катализатор амал кунад ва имконият фароҳам орад. Инчунин онҳо метавонанд, аз маҳорати якдигар истифода кунанд", - мегӯяд сухангӯи нерӯҳои НАТО.
Тирамоҳи соли гузашта раҳбари "Ал-Қоида" Айман аз-Завоҳирӣ ҳимояти худ аз раҳбари нави Толибон Мулло Ахтар Мансурро эълон карда буд. "Аз он замон ба ин сӯ бештар шудани ҳамкории ин ду гуруҳ мушоҳида мешавад", - изҳор доштааст Кливленд.
Ба гуфтаи вай, ҳоло дар қаламрави Афғонистон садҳо узви "Ал-Қоида" ҳузур дорад. "Бо вуҷуди он ки шумори онҳо ба таври назаррас коҳиш ёфтааст, вале онҳо тавони барқарор кардани нерӯяшонро дар муҳлати кутоҳ доранд ва ҳанӯз ҳам метавонанд хатаре эҷод кунанд", - илова кардааст генерал Кливленд.