Мыйзам долбооруна ылайык, мамлекеттик герб жана желекти кордогондор үчүн кандай жаза каралса, эми гимнге акарат келтиргендер дагы дал ошондой жоопкерчиликке тартылат.
Орусия Конституциясынын 70-беренесинде үч мамлекеттик символдун макамы бирдей болгондуктан, ушундай тартип киргизилди.
Документке ылайык, Орусия гимнин музыкалык редакциясын же текстин бурмалоого жана ММКларга, анын ичинде интернетке жарыялоого тыюу салынат. Гимнди мазактагандарды бир жылга чейин эркинен ажыратуу же ушундай эле мөөнөткө коомдук жумуштарга кесүү сунушталууда.
Документтин түшүндүрмө бөлүгүндө жазылгандай, 8-майда Севастополдо өткөн расмий иш-чаралардын биринде мамлекеттик символдун сөздөрү жана музыкасы одоно бузулгандыктан, ушундай чара көрүү каралгандыгы белгиленген.