Ба гуфтаи шайх Абдулазиз Мансур, муовини раҳбари ин идора, тавсияи мазкур дар асоси таърихи Ислом сурат гирифтааст.
"Дар давраи паёмбар (с) ифторро барои шахсоне баргузор мекарданд, ки ҳангоми рӯзакушоӣ чизи хӯрдание намеёфтанд. Вале дар замони мо он ба як зиёфати шоҳона табдил ёфтааст. Аз ин рӯ, мо тавсия додему ҳокимияти шаҳр ҳам манъ кард. Имсол дар тарабхона ва ошхонаҳои ҷамъиятӣ ҳеч гуна ифтор баргузор нахоҳад шуд", - гуфтааст вай дар суҳбат бо бахши ӯзбекии Радиои Озодӣ.
Шайх Абдулазиз мегӯяд, имсол ба ӯзбекистониҳо тавсия шудааст, ифторро дар хонаҳояшон бе дабдаба баргузор кунанд.
Ёдрас мешавем, дар Ӯзбекистон ҳанӯз солҳои 2014-2015 маҳдудият дар баргузоркунии ифтор ҷорӣ шуда буд. Соли гузашта баъди чандин солҳо ба барпо кардани он дар масҷидҳо иҷозат доданд. Вале имсол он ҳам манъ гардид.
Ба ҷуз ин, ҳукумати Ӯзбекистон барои ҷилавгирӣ аз гароиши ҷавонон ба саффи гуруҳҳои ифротгарои мазҳабӣ иштироки наврасон дар намозҳои ҷамоатро ҳам манъ кардааст.