Обама гуфт, эҳтимол дорад Умар Матини афғонитабор зери таъсири ақидаҳои экстремистӣ монда бошад, аммо дар бораи он ки вай гӯиё дар асоси нақша амал кардааст ё иштирокчии кадом як суиқасди гурӯҳӣ будааст, далелҳои тасдиқкунанда вуҷуд надорад.
Президенти ИМА зимни суханронияш рӯзи душанбе қайд кард, ки Матин шояд таҳти таъсири матнҳои экстремистии интернетӣ дар суҳбат бо хадамоти наҷотдиҳии 911 гуфта бошад, ки бо гуруҳи худхондаи "Давлати исломӣ" байъат кардааст.
Умар Матини 29-сола баъди се соати ҳамлааш ба клуби ҳамҷинсгароён дар натиҷаи амалиёти кормандони пулис кушта шуд.
Қаблан гуруҳи террористии "Давлати исломӣ" ин шаҳрванди 29-солаи Амрикоро яке аз "сарбозон"-и худ номида буд.