Ҳамза ибни Лодин дар як навори видеоӣ, ки расонаи марбут ба "ал-Қоида"- "ас-Саҳоб" 10 июл нашр кард, гуфтааст, шаҳрвандони ИМА барои тасмимҳои раҳбарони худ ҷавобгӯ ҳастанд.
Вай ҳамчунин изҳор доштааст, ки ин созмони террористӣ дар вокуниш ба "зулму ситам"-и мусулмонон зидди Иёлоти Муттаҳида "ҷиҳод"-ро идома медиҳад.
"Агар Шумо фикр кунед, ки ҷинояти дар Абботобод содиркардаатон беҷазо монд, пас иштибоҳ мекунед", - афзудааст писари Ибни Лодин.
Усома ибни Лодин моҳи майи соли 2011 зимни амалиёти низомиёни Амрико дар шаҳри Абботободи Покистон кушта шуд. Макони будубоши писари ӯ маълум нест. Ба назари баъзе аз таҳлилгарон, ӯ эҳтимол аст, барои бар зимма гирифтани раҳбарии "ал-Қоида" омодагӣ мебинад.