Фаъолони ҳаракат бар ин назаранд, ки Жирайр Сефилян ва ҷонибдоронаш маҳбуси сиёсианд.
Погосян илова мекунад, ки пулис тавони кофии безараргардонидани фаъолони ҳаракатро дорад, вале ҳоло ки имкони ҳалли осоиштаи низоъ вуҷуд дорад, бояд гуфтугӯ анҷом дода шавад. Рӯзи якшанбе хабар расид, ки дар Ереван даҳҳо ҷонибдори мухолифон боздошт шудаанд.
Дар майдони Озодӣ се фаъоли ташаббуси шаҳрвандии "Бархез, Арманистон" - Андриас Гукасян, Давид Санасарян ва Давид Ованнисян боздошт шуданд.
Дар натиҷаи ҳамла дар Ереван субҳи 17 июл муовини хадамоти назоратгоҳҳо Артур Ваноян кушта ва се пулиси дигар захмӣ шуд. Шаш корманди пулис дар асорати фаъолони ҳаракати "Порлумони созмондиҳанда" ҳастанд.
Намояндагони "Порлумони созмондиҳанда" ҳодисаи охирро "оғози эътироз" бо ҳадафи "сарнагун кардани ҳукумат" ва "озодсозии зиндониёни сиёсӣ" номидаанд.