Амалиёти махсус аз 6 то 29 июни соли ҷорӣ бо ҳадафи пешгирӣ аз ҳуқуқшиканиҳо ва ҷиноятҳои фаромарзӣ дар кишварҳои ИДМ, дар се зина анҷом шудааст. Ба ҷуз аз сарҳадбонон дар ин амалиёт мақомоти қудратии кишварҳои мазкур ширкат кардаанд.
Бино бар хабарҳо, дар минтақаҳои пурхатари марзӣ дидбонгоҳҳои муваққатӣ гузошта шудааст. Ҳамчунин назорат дар гузаргоҳҳои марзӣ пурзӯр карда шудааст.
Дар ҷараёни амалиёти "Ҷануб-2016" марзшиканон, муҳоҷирони ғайриқонунӣ, ки ба фаъолиятҳои тундгароиву террористӣ машғуланд, ҷинояткорони дар кофтуковбуда дастгир шудаанд. Дар ин амалиёт аслиҳа, лавозимоти ҷангӣ ва маводи мухаддир низ мусодира шудааст.
Хадамоти марзбонии Қирғизистон хабар медиҳад, ки ширкатдорони амалиёт вазифаҳояшонро пурра иҷро кардаанд.