Ба гуфтаи Обама, ду кишвар то ҳол натавонистаанд, дар бораи тадбирҳои мушаххасе, ки барои қатъи даргириҳои Сурия лозиманд, созиш кунанд.
Ихтилофи назар дар бораи он ки кадом гуруҳҳои мусаллаҳ дар Сурия бояд ҳадафи ҳамлаҳои ҳавоӣ қарор гиранд, ҳанӯз ҳам мавҷуд аст. Барак Обама зикр кард, ки гуфтушунид миёни Вашингтону Москва идома хоҳад ёфт.
Сурия аз соли 2011 инҷониб шоҳиди ҷанги шаҳрвандӣ аст ва Иёлоти Муттаҳидаву Русия талош доранд, то барои ҳалли муштараки низоъ ва мубориза бо тундравон дар минтақа созиш кунанд.
ИМА борҳо Русияро дар он айбдор кардааст, ки мухолифони муътадили зери ҳимояти Вашингтонро дар Сурия ҳадафи ҳамлаҳои ҳавоӣ қарор медиҳад.