Бозиҳои паролимпии Рио аз 7 то 18 сентябри соли равон баргузор мешавад ва дар он наздики 4 ҳазор варзишгар аз 161 кишвари ҷаҳон, аз ҷумла Тоҷикистон иштирок хоҳад кард.
Миёни варзишгарони машҳури бозиҳои мазкури паролимпӣ исми вазнбардори эронӣ Сиаманд Раҳмон, давандаи маъюби бритониёӣ Дэвид Уэйр ва варзишгари нобинои чинӣ Лю Чуйтсин ҳам ҳаст. Ҳамчунин қарор аст, Шаҳрад Насаҷпур, дискандози эронии муқими Иёлоти Муттаҳида ва Иброҳим ал-Ҳусайнӣ, шиновари суриягӣ, ки дастаи гурезаҳоро намояндагӣ мекунад, ширкат варзанд.