Вазорати мудофеаи Ӯзбекистон ин ҳодисаро, ки ҷони се узви экипаж ва 6 низомиро рабуд, "фалокат" хондааст. Ҳоло барои таҳқиқи сабабҳои сарнагун шудани чархбол комиссияи махсус ташкил гардидааст.
Раҳбарияти Ӯзбекистон ба наздикону пайвандони қурбониён ҳамдардӣ баён карда, дар иттилоияи расмӣ гуфта шудааст, ки чархбол ҳангоми парвози нақшавӣ суқут кардааст.
Аз соли 2009 инҷониб 7 ҳолати суқути чархболҳои МИ-171-и истеҳсоли Русия ба қайд гирифта шудааст. Дар натиҷаи сарнагун шудани онҳо ҷамъан 41 нафар ҷон бохтаанд.