Порошенко дар саммити Берлин гуфтааст, Русия ба минтақаҳои Донбасс, ки хориҷ аз идораи Киев ҳастанд, ба ҳадде тонку тӯпи зиёд овардааст, ки назирашро артиши Олмон - Бундесвер надорад.
Вай гуфтааст, ки зимни гуфтушунидҳои байналмилалӣ, аз ҷумла дар саммити Берлин ба Владимир Путин, президенти Русия садо баланд накардааст ва танҳо хостааст, ки тирпаррониҳо дар Донбасс қатъ шаванд.
"Воқеан, бо дархости қатъи тирпаррониҳо ба Путин муроҷиат карда будам. Мулоқоти "формати нормандӣ"-и Берлин баъди беш аз як соли саммити Порис баргузор шуд ва баргузории он хеле муҳим буд", - изҳор доштааст вай.
Петр Порошенко ҳамчунин гуфтааст, ки низоми бидуни раводид миёни кишвараш бо Иттиҳоди Аврупо 24 ноябр ҷорӣ мешавад.