Ширкатҳои роҳи оҳани Тоҷикистону Қазоқистон дар бораи ба роҳ мондани қатораи самти Душанбе-Остона қарор қабул карданд. Роҳи оҳани Қазоқистон мегӯяд, қатораи Душанбе-Остона "дар марҳилаи баргузории намоишгоҳи байналхалқии EXPO-2017 ба рушди туризм саҳм мегузорад".
Масири қатораи мазкур тавассути Қарақалпоқистон ва аз хати роҳи оҳани Бейнау-Жезказган мегузарад. Қатора аз даҳ қатор ё вагон иборат буда, аз Душанбе рӯзҳои панҷшанбе ва аз Остона рӯзҳои душанбе ҳаракат мекунад.