Ссылки доступа

Мирзиёев Өзбекстанда жылкы өстүрүү тармагын өнүктүрүү ниетинде


Өзбекстандын президенти Шавкат Мирзиёев өлкөдө жылкы өстүрүү жана ат спортунун түрлөрүн өнүктүрүү тууралуу токтомго кол койду.

Документке ылайык, жыл соңуна чейин улуттук «Өзбекмунайгаз» компаниясынын колдоосу менен Кашкадарья облусунда Карабаир тукумундагы жылкыларды өстүрүү жана көбөйтүү боюнча комплекс курулат. Ташкент облусунда болсо асыл тукум жылкыларды өстүрүү боюнча эки жылкы заводу ачылат. Андан тышкары өлкөдө ат спорту боюнча машыктыруучулардын, калыстардын жана ветеринарлардын республикалык мектебин түзүү пландалууда.

Президенттин токтомунда өлкөдө Ахалтеке жана Карабаир жылкы тукумдарын өстүрүү, ошондой эле башка өлкөлөрдүн алдыңкы тажрыйбаларын изилдөө менен асыл тукум, спорттук жана кызматтык жылкыларды өстүрүүгө, ат спортунун калктын кеңири катмарындагы, өзгөчө жаштар арасындагы популярдуулугун арттырууга жооп бере турган бирдиктүү түзүм түзүү тууралуу айтылат.

Өкмөт эки айдын ичинде өлкөдө жылкы өстүрүү тармагын жана ат спортун түрлөрүн комплекстүү түрдө өнүктүрүү боюнча 2021-жылга чейинки чаралардын долбоорун иштеп чыгышы керек.

Мартта Шавкат Мирзиёев мамлекеттик сапары менен алгачкы жолу Түркмөнстанга барып келген. Анда түркмөн президенти Гурбангулы Бердымухамедов Мирзиёевге Ахалтек асыл тукум жылкысын белек кылган.

Видео

Желим бөтөлкөлөрдү булага айланткан Тазагүл
пожалуйста, подождите

No media source currently available

0:00 0:05:11 0:00
XS
SM
MD
LG