Ссылки доступа

Вашингтондо Трамп менен Порошенко жолугат


Жумушчу сапары менен Вашигтондо жүргөн Украинанын президенти Петр Порошенко бүгүн АКШ президенти Дональд Трамп менен жолугат. Ушул эле күнү Порошенко Кошмо Штаттардын вице-президенти Майкл Пенс жана коргоо министри Жеймс Мэттис менен сүйлөшүүлөрдү өткөрөт.

Күн мурун Порошенко Вашингтондогу украин коомчулугунун өкүлдөрү менен жолугуп, анын АКШ президенти менен жолугушуусу Трамптын Владимир Путин менен жолугушуусунан эрте болуп жатканы маанилүү экенин жана Украина Кошмо Штаттардын чыныгы колдоосуна ээ болуп жатканын белгилеген.

Жумушчу сапарынын алкагында украин президентинин АКШнын мамлекеттик катчысы Рекс Тиллерсон, Эл аралык валюталык кордун тейлөөчү директору Кристин Лагард, Дүйнөлүк банктын президенти Жим Ён Ким жана өлкөнүн Соода жана Энергетика министрликтеринин өкүлдөрү менен жолугушуусу дагы пландалган.

Трамп менен Орусиянын президенти Владимир Путин буга чейин телефон аркылуу сүйлөшкөнү менен көзмө-көз жолугуп сүйлөшүүлөрдү өткөрүшө элек. Болжолдуу маалыматтар боюнча Орусия менен АКШнын президенттеринин жолугушуусу июлдун башына, Гамбургда өтө турган Чоң жыйырмалык саммитине белгиленүүдө.

Видео

Желим бөтөлкөлөрдү булага айланткан Тазагүл
пожалуйста, подождите

No media source currently available

0:00 0:05:11 0:00
XS
SM
MD
LG