Омурбек Бабанов роҳбари ҷиноҳи порлумонии ҳизби "Республика - Ота-Журт"-и Қирғизистон ва яке аз 13 довталаби курсии президентӣ дар интихоботи моҳи октябри ин кишвар аст.
Ба огаҳии Додситонии кулли Қирғизистон, парвандаи мазкур ба додгоҳи шаҳрии Ӯш ирсол шуда, қарор аст, баррасии он 3 октябр оғоз шавад. Ба гумонбарон аз 300 ҳазор сом ҷарима то 5 соли зиндон таҳдид мекунад.
Ҳамчунин дар робита як ҳолати дигари харидории раъйи интихобкунандагон дар шаҳри Бишкек парванда боз шуда, ба додгоҳи ноҳиявии пойтахти Қирғизистон ирсол гаштааст.
Ба иттилои Додситонии кул, як сокини Бишкек ба пулис муроҷиат карда, гуфтааст, намояндагони ситоди интихоботии ҳизби "Онугуу-Прогресс"-и Қирғизистон аз ӯ хостаанд, ки бар ивази 2 ҳазор сом ба номзади мавриди назарашон овоз диҳад.
Интихоботи навбатии президентии Қирғизистон 15 октябри соли равон баргузор хоҳад шуд. Дар он 13 номзад рақобат мекунанд.