Шоҳидон мегӯянд, рӯзи 2 октябр дар бонкҳои "Халқ бонк", "Миллӣ бонк", "Ипотека бонк" ва дигар бонкҳои Тошканд асъори нақди хориҷӣ ба шахсони воқеӣ фурӯхта нашуд.
Дар Ӯзбекистон сар аз 5 сентябр шахсони воқеӣ ҳаққи фурӯши асъори хориҷиро дар нуқтаҳои табодули асъор пайдо карданд.
Тошбек, як сокини Тошканд мегӯяд, сокинон ҳанӯз асъори хориҷиро аз "бозори сиёҳ" дастрас мекунанд. "Бозори сиёҳ" мисли пешин озодона амал намекунад. Вале мақомот натавонистаанд, ки "бозори сиёҳ"-ро комилан бибанданд. Барои ин вақт лозим аст.
Ба иттилои хабаргузории Reuters, ҳукумати Ӯзбекистон ният дорад, барои ба эътидол овардани вазъи бозори асъораш аз Бонки ҷаҳонӣ то $1 млрд. қарз бигирад.