Ссылки доступа

Туркия Қозоғистондан турк лицейлари ўқитувчиларини ватанга чиқариб юборишни талаб қилмоқда (видео)


Туркия Қозоғистондаги турк лицейларида ишловчи ўқитувчиларни диний уламо Фатхуллоҳ Гулен билан алоқадорликда айбламоқда, уларнинг паспортлари муддатини узайтиришни истамаяти ва ватанга топширишни талаб қилмоқда.

Қозоғистон президенти ўқитувчилар топширилмаслиги ҳақида баёнот берган бўлишига қарамай, Туркия Қозоғистон ўқитувчиларга ёрдам бериши керак эмаслигини ва бошпана бермаслиги лозимлигини талаб қилмоқда.

Август ойида Туркиянинг таълим-инновация лицейи ўқитувчиси Осман Демерелнинг хонадонига илк бор Қозоғистон миграция хизмати ходимлари ташриф буюрди. Улар унинг қизини ҳужжатларни сўрашди, бу муддатда ҳужжатнинг амал қилиш муддати ўтиб кетган эди. Оиланинг бундан аввал Туркиянинг Қозоғистондаги элчихонасига ҳужжатларни узайтириш борасидаги аризаси эътиборсиз қолдирилмоқда.

Таълим муассасининг яна бир ўқитувчиси Иса Алтинтошнинг айтишича, лицейларда ишламайдиган бошқа фуқароларга ўз муддатида паспорт беришмоқда. «Ватанга қайтишимиз биланоқ бизни ўша заҳотиёқ қамоққа ташлашларидан хавотирлар бор», - дейди Алтинтош.

Юрист Алибек Смаиловнинг айтишича, туркиялик ўқитувчилар Қозоғистондан бошпана сўраган тақдирларида ҳам рад жавоби берилиши мумкин. Шундоқ ҳам бўлиб чиқди. Миграция хизматида уларни ватанларида таъқиб қилиниши борасидаги етарлича далил йўқлигини айтишди. Эндиликда ўқитувчиларнингюристлари бу масалани судда ҳал қиладиган бўлди.

Қозоғистонда қозоқ-турк олийўқув юртларининг талабалари турк ўқитувчилари билан боғлиқ хотираларни эслаш мақсадида флешмоб ўтказмоқда. Мамлакатда ўтган йили лицейлардан турк номлари олиб ташланди ва улар эндиликда шунчаки таълим-инновация лицейлари деб юритилмоқда.

ҚРда 27 та давлатга қарашли, 3 та хусусий лицей, 2 та ҳалқаро мактаб, 2 коллеж ва битта Сулаймон Демирел номли университет бор.

XS
SM
MD
LG