Ссылки доступа

«Казахмис» шахтёрлари иш ташламоқда


Фаоллар Қарағанда вилоятидаги “Казахмис” корпорациясининг кончилари иш ташлагани ҳақида маълум қилди. Вазиятдан бохабар манбанинг айтишича, 29 ноябрь куни кечқурунги сменада бўлган кончилар меҳнат шароитлари яхшиланиши талаб қилиб, шахтадан юқорига чиқишдан воз кечишди.

Кончиларнинг иш ташлаши ҳақида бугун фуқаро фаоллари Facebook’да маълум қилишди. Улар томонидан эълон қилинган видео ва фотосуратларда ўнлаб кишиларнинг иш кийимидаги ҳолати намоён бўлган. Фаолларнинг сўзларига қараганда, Сатпаев шаҳридан 10 километр узоқликдаги Жанубий Жезқазған конининг №65 шахтасининг маъмурий биносида йиғилиш бўлиб ўтмоқда.

Хабарларга кўра, кончилар ойлик маошлари ва пенсиялар оширилишидан ташқари, товон тўланишини, кўчма текширув гуруҳлари тугатилишини, шунингдек корпорация директорлар кенгаши раиси Эдуард Огай билан учрашув уюштирилишини талаб қилмоқда.

“Казахмис”компанияси кейинроқ расмий хабар берилишига ваъда қилди.

XS
SM
MD
LG