Ссылки доступа

ТАСС: Ресей Өзбекстанға 12 соққылағыш Ми-35 тікұшағын береді


Өзбекстан қорғаныс министрлігі мен «Рособоронэкспорт» 12 соққылағыш Ми-35 тікұшағын жеткізу туралы келісім жасады. Бұл туралы бейсенбі күні «Ресей және Өзбекстан: стратегиялық әріптестікке 25 жыл» көрмесінде ТАСС тілшісіне дипломатиялық дереккөз хабарлады.

«12 соққылағыш тікұшақ жеткізу туралы келісім қабылданды, әскери техника 2018 жылдан бастап жеткізіле бастайды. Ұзаққа созылған келіссөздер Ресей үкімет басшысы Дмитрий Медведевтің Өзбекстанға жақында жасаған сапары кезінде аяқталды», – деді дереккөз.

Оның мәліметі бойынша, қазір Өзбекстан астанасында «Рособоронэкспорт» делегациясы жүр, олар республиканың қорғаныс өнеркәсібіне қатысты келіссөздер жүргізіп жатыр. «Ресейлік мамандар республикаға өзбектердің шақыртуымен барды. Өткен жылы әскери-техникалық әріптестік туралы келісімді жүзеге асырып жатыр», – деді дереккөз.

Ресей мен Өзбекстан арасындағы әскери-техникалық әріптестік туралы келісім 2016 жылы Мәскеуде қабылданған.

Ми-35М тікұшағы бронды техниканы жоюға және құрлық әскеріне көмектесуге, сондай-ақ жеке құрам мен жүк тасымалдауға арналған.

XS
SM
MD
LG