Демократик партиянинг терговда қатнашган юқори лавозимли вакиллари шундай хулосага келишди. Бу ҳақда Американинг Politico нашри, Калифорниядан сайланган демократ сенатор Дайан Файнштейн 3 декабрь куни NBC телеканалига берган интервьюсига таяниб, хабар бермоқда.
Прокурорнинг ўзи, Файнштейннинг сўзларига қараганда, ўз терговининг йўналиши ҳақида ошкор қилмаяпти. Лекин сенатор, яқинда Майкл Флинн томонидан ўз айбининг тан олиниши ва унинг тергов билан ҳамкорлик қилишга розилик билдиргани, шунингдек, Трамп маъмурияти собиқ ходимларининг тан олишлари «Одил судловга тўсқинлик қилганлик ҳақида» иш тайёрланаётганидан далолат беришини баён қилди.
Трамп 2017 йил май ойида ФТБ директори Жеймс Комини ишдан бўшатганидан кўп ўтмай, Мюллер «Россиянинг аралашганлиги»ни тергов қилишга раҳбар бўлганди. Бир ойдан сўнг, махсус тингловларда кўрсатмалар бера туриб, Коми Трамп унга босим ўтказганини айтди. Комининг сўзларига қараганда, президент у Флиннинг россиялик расмий шахслар билан алоқаларини ўрганишдан воз кечишига эришган..
Шунга қарамай, АҚШ президенти Дональд Трамп ўз президентлиик кампанияси раҳбарлари ва Россия ҳукумати агентлари ўртасида фитна борлигинияна инкор қилди
Аввалроқ махсус прокурор Роберт Мюллер тергов гуруҳининг асосий ходимларидан бири, ФТБ махсус агенти Питер Стрзокни, унинг «Трампга нисбатан танқидий баҳоланиши мумкин бўлган» SMS хабарлари учун, терговдан четлаштириш ҳақида қарор қабул қилган эди.